2025 жылғы 28 қарашада Абай облысы білім басқармасы мен «Облыстық инновациялық-әдістемелік орталығының» ұйымдастыруымен колледждер директорларының орынбасарлары арасында «Басшының үздік орынбасары» облыстық конкурсы жоғары деңгейде өтті.
Іс-шара білім беру саласының негізгі заңдары мен нормативтік-құқықтық актілеріне сүйене отырып ұйымдастырылды. Конкурстың басты мақсаты — техникалық және кәсіптік білім беру ұйымдарындағы басшылардың орынбасарларының көшбасшылық әлеуетін айқындау, инновациялық менеджментті дамыту, озық тәжірибені кеңінен тарату.


