2026 жылғы 27 наурыз күні Абай облысы білім басқармасының Семей қаласы білім бөлімінің Төлеубай Аманов атындағы № 16 жалпы орта білім беретін мектебі базасында «Цифрлық ресурстарды оқу-тәрбие үдерісінде қолдану: тиімді әдістер мен шешімдер» тақырыбында бастауыш сынып мұғалімдеріне арналған облыстық семинар өтті.
Аталған семинардың негізгі мақсаты – бастауыш білім беру үдерісінде цифрлық ресурстарды тиімді қолданудың заманауи әдіс-тәсілдерін зерделеу, сондай-ақ педагогтердің озық тәжірибелерін жинақтап, тарату болды.
Іс-шара барысында қатысушылар цифрлық білім беру платформаларын тиімді пайдалану, сабақ үдерісіне инновациялық технологияларды енгізу, оқушылардың танымдық белсенділігін арттыру жолдары бойынша тәжірибе алмасты. Мұғалімдер шеберлік сағаттарына қатысып, практикалық жұмыстар арқылы жаңа әдістерді меңгерді.
Семинар аясында тәжірибелі педагогтер өздерінің авторлық әдістемелік тәсілдерімен бөлісіп, цифрлық құралдарды қолдану арқылы білім сапасын арттырудың тиімді жолдарын көрсетті. Сонымен қатар, қатысушылар арасында пікір алмасу ұйымдастырылып, өзекті мәселелер талқыланды.
Іс-шара қорытындысында қатысушылар семинардың мазмұндық тұрғыдан жоғары деңгейде �