Қазақстан Республикасы Цифрлық даму, инновациялар және аэроғарыш өнеркәсібі министрлігінің қолдауымен «Спорттық бағдарламалау федерациясы» республикалық қоғамдық бірлестігінің «Uzdik IT Ustaz» республикалық олимпиадасының облыстық кезеңі «Облыстық инновациялық-әдістемелік орталығы» КММ және «Abai IT-Valley» ЖШС ұйымдастыруымен өткізілді.

Олимпиаданың мақсаты - информатика мұғалімдерінің олимпиадалық
тапсырмалар бойынша білімін тереңдету, жаңа цифрлық контентті меңгеру,
шығармашылық қабілеттерін дамыту және мұғалімдердің кәсіби бағдар
мәселесіне қызығушылығын арттыру.

Олимпиаданың облыстық кезеңіне 3 іріктеу кезеңінен өткен информатика пәні мұғалімдері қатысты.

Қатысушылар esep.cpfed.kz
онлайн-платформасында 5 есептен тұратын үш сағаттық контест түрінде тапсырмалар орындады.

Есептер информатика пәнінен классикалық олимпиадалық форматта құрастырылған. Педагогтер есептің шешімін С/С++, Java, Python бағдарламалау тілдерінің бірінде жазылған бағдарлама түрінде ұсынды.

Олимпиаданың облыстық кезеңінің жүлдегерлері қазылар алқасының шешімі
бойынша I, II, III дәрежелі диплом және сыйлықтармен марапатталды.
1 орын - Семёнов Сергей, Бородулиха ауданы;

1 орын - Ахмет Мирас, «Облыстық дарынды балаларға арналған «БІЛІМ-ИННОВАЦИЯ» лицейі» КММ;
2 орын - Шақарманов Айтбек, Семей қаласы;
2 орын - Касымова Анар, Үржар ауданы;
3 орын - Понамарёв Александр, Бородулиха ауданы;
3 орын - Муршель Татьяна, Семей қаласы.

Олимпиаданың Республикалық қорытынды кезеңі Астана қаласында өтеді.