2026 жылғы 31 наурызда Абай облысы білім басқармасының Облыстық инновациялық-әдістемелік орталығының орта білімдегі оқыту мазмұны бөлімінің орыс тілі мен әдебиеті мұғалімдері қауымдастығының «Орыс тілі мен әдебиетін басқа пәндермен интеграциялау» тақырыбында кезекті отырысы өтті.
Кездесудің мақсаты: орыс тілі мен әдебиеті бойынша білімді басқа ғылым салаларымен ұштастыру арқылы оқушылардың функционалдық сауаттылығын қалыптастыру.
Іс-шарада Семей қаласының педагогтері спикер ретінде өз іс-тәжірибелерімен бөлісті: Жумагулова Дамира Мадриковна, Мустапанова Бакыт Алимгазиевна, Смаилова Гуляйым Журсуновна, Камзаева Гульнар Сагындыковна, Ахметова Сандугаш Сулеймановна, Адырбекова Жанар Темиргалиевна.
Қазіргі білім беру жағдайында филологиялық пәндер оқшауланған білім саласы болудан қалды. Бүгінгі таңда тіл мен әдебиет — мәтінді түсініп оқу және сыни ойлау дағдыларын дамыту арқылы жаратылыстану ғылымдарын, тарихты, өнерді, тіпті цифрлық технологияларды меңгерудің негізіне айналуда.
Бұл шара облыстың жетекші педагогтерін, әдіскерлері мен жас мамандарын біріктіріп, білім берудегі инновациялық тәжірибе алмасу алаңына айналды.